Ai Jahan Dekh Le!
ai jahan dekh le kab se be-ghar hain hum
ab nikal aae hain le ke apna alam
ye mahallat ye unche unche makan
in ki buniyaad mein hai hamara lahu
kal jo mehman the ghar ke malik bane
shah bhi hai adu shaiKH bhi hai adu
kab talak hum sahen ghasibon ke sitam
ai jahan dekh le kab se be-ghar hain hum
ab nikal aae hain le ke apna alam
itna sada na ban tujh ko malum hai
kaun ghere hue hai filistin ko
aaj khul ke ye nara laga ai jahan
qatilo rah-zano ye zamin chhoD do
hum ko laDna hai jab tak ki dam mein hai dam
ai jahan dekh le kab se be-ghar hain hum
ab nikal aae hain le ke apna alam
Habib Jalib 
(2092) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544