Jawan Aag

goliyon se ye jawan aag na bujh paegi

gas phenkoge to kuchh aur bhi lahraegi

ye jawan aag jo har shahr mein jag uTThi hai

tirgi dekh ke is aag ko bhag uTThi hai

kab talak is se bachaoge tum apne daman

ye jawan aag jala degi tumhaare aiwan

ye jawan KHun bahaya hai jo tum ne aksar

ye jawan KHun nikal aaya hai ban ke lashkar

ye jawan KHun siyah-raat ka rahne dega

dukh mein Dube hue haalat na rahne dega

ye jawan KHun hai mahlon pe lapakta tufan

us ki yalghaar se har ahl-e-sitam hai larzan

ye jawan fikr tumhein KHun na pine degi

ghasibo ab na tumhein chain se jine degi

qatilo rah se haT jao ki hum aate hain

apne hathon mein liye surKH alam aate hain

toD degi ye jawan fikr hisar-e-zindan

jag uTThe hain mere des ke bekas insan

(1578) Peoples Rate This

Your Thoughts and Comments

Jawan Aag In English By Famous Poet Habib Jalib. Jawan Aag is written by Habib Jalib. Read famous Poem Jawan Aag for youth and Student by Habib Jalib. Free Download Jawan Aag in PDF.