Main Nahin Ja Paunga Yaro Su-e-gulzar Abhi
main nahin ja paunga yaro su-e-gulzar abhi
dekhni hai aab-ju-e-zist ki raftar abhi
kar chuka hun par ye dariya na jaane kitni bar
par ye dariya karunga aur kitni bar abhi
ghum phir kar dasht-o-sahra phir wahin le aae panw
dil nahin hai shayad is nazzare se be-zar abhi
kawish-e-paiham abhi ye silsila rukne na pae
jaan abhi aankhon mein hai aur panw mein raftar abhi
ai mere arman-e-dil bas ek zara kuchh aur sabr
raat abhi kaTne ko hai milne ko bhi hai yar abhi
jazba-e-dil dekhna bhaTka na dena rah se
muntazir hoga mera bhi KHud mera dil-dar abhi
hongi to is rah-guzar mein bhi kamin-gahen hazar
phir bhi ye bar-e-safar kyun ho mujhe dushwar abhi
Habib Tanvir 
(1100) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544