Nila Aasman
meri bachchi ne mujh se kal puchha
baba ye aasman hai nila kyun
main ne socha par us se kah na saka
ye sawal us ke dil mein aaya kyun
kyun ye baaten hain itni dil-awez
hai ye andaz itna pyara kyun
kyun hain lab par ye itne sare sawal
hai tabassum ye phul jaisa kyun
mere dil mein udheD-bun kya hai
main sitaron se ja ke uljha kyun
sitam-angez zindagi dil-kash
phir ye anjam-e-kar marna kyun
main ne ye kya jawab socha hai
tum ne aisa sawal puchha kyun
Habib Tanvir 
(2368) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544