Hadis-e-talKHi-e-ayyam Se Taklif Hoti Hai
hadis-e-talKHi-e-ayyam se taklif hoti hai
sahar walon ko zikr-e-sham se taklif hoti hai
wahi kafir ki jis ka nam taskin-e-dil-o-jaan tha
sitam hai ab usi ke nam se taklif hoti hai
maqam aisa bhi aata hai guzargah-e-mohabbat mein
musafir ko jahan aaram se taklif hoti hai
shikast-e-dil ki manzil se agar guzre to kya hoga
abhi tum ko shikast-e-jam se taklif hoti hai
'hafiz' ahl-e-gulistan se hamara haal mat kahna
unhen zikr-e-asir-e-dam se taklif hoti hai
Hafeez Banarasi 
(962) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544