Muddat Ki Tishnagi Ka Inam Chahta Hun
muddat ki tishnagi ka inam chahta hun
masti bhari nazar se ek jam chahta hun
ai gardish-e-zamana zahmat to hogi tujh ko
kuchh der ke liye main aaram chahta hun
kal hum se kah raha tha shohrat-talab zamana
tum kaam chahte ho main nam chahta hun
subh-e-hayat le le ai zulf-e-yar lekin
main tujh se is ke badle ek sham chahta hun
baad-e-saba se kah do meri taraf bhi aae
main bhi 'hafiz' un ka paigham chahta hun
Hafeez Banarasi 
(933) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544