Us ShoKH Ne Nigah Na Ki Hum Bhi Chup Rahe

us shoKH ne nigah na ki hum bhi chup rahe

hum ne bhi aah aah na ki hum bhi chup rahe

aaya na un ko ahd-e-mulaqat ka lihaz

hum ne bhi koi chah na ki hum bhi chup rahe

dekha kiye hamari taraf bazm-e-ghair mein

tajdid-e-rasm-o-rah na ki hum bhi chup rahe

tha zindagi se baDh ke hamein waza ka KHayal

jab umr ne nibah na ki hum bhi chup rahe

KHamosh ho gain jo umangen shabab ki

phir jurat-e-gunah na ki hum bhi chup rahe

maghrur tha kamal-e-suKHan par bahut 'hafiz'

hum ne bhi wah-wah na ki hum bhi chup rahe

(1083) Peoples Rate This

Your Thoughts and Comments

Us ShoKH Ne Nigah Na Ki Hum Bhi Chup Rahe In English By Famous Poet Hafeez Jalandhari. Us ShoKH Ne Nigah Na Ki Hum Bhi Chup Rahe is written by Hafeez Jalandhari. Read famous Poem Us ShoKH Ne Nigah Na Ki Hum Bhi Chup Rahe for youth and Student by Hafeez Jalandhari. Free Download Us ShoKH Ne Nigah Na Ki Hum Bhi Chup Rahe in PDF.