Dil Hai To Tere Wasl Ke Arman Bahut Hain

dil hai to tere wasl ke arman bahut hain

ye ghar jo salamat hai to mehman bahut hai

main dad ka KHwahan nahin ai dawar-e-mahshar

aaj apne kiye par wo pasheman bahut hain

dil le ke khilaune ki tarah toD na Dalen

Dar mujh ko yahi hai ki wo nadan bahut hain

wo phul chaDhate hain dabi jati hai turbat

mashuq ke thoDe se bhi ehsan bahut hain

tum ko na pasand aae na lo pher do mujh ko

is dil ke KHaridar meri jaan bahut hain

DanTa kabhi ghamze ne kabhi naz ne Toka

KHalwat mein bhi sath un ke nigahban bahut hain

KHali bhi koi dil hai wahan ishq-e-sanam se

kahne ko to kabe mein musalman bahut hain

shayad ye asar ho meri aah-e-sahari ka

kuchh subh se wo aaj pareshan bahut hain

kya shab ko 'hafiz' un se yahin wasl ki Thahri

aaj aap ke ghar aish ke saman bahut hain

(1155) Peoples Rate This

Your Thoughts and Comments

Dil Hai To Tere Wasl Ke Arman Bahut Hain In English By Famous Poet Hafeez Jaunpuri. Dil Hai To Tere Wasl Ke Arman Bahut Hain is written by Hafeez Jaunpuri. Read famous Poem Dil Hai To Tere Wasl Ke Arman Bahut Hain for youth and Student by Hafeez Jaunpuri. Free Download Dil Hai To Tere Wasl Ke Arman Bahut Hain in PDF.