Chaman Mein Shab Ko Jo Wo ShoKH Be-naqab Aaya
chaman mein shab ko jo wo shoKH be-naqab aaya
yaqin ho gaya shabnam ko aaftab aaya
un ankhDiyon mein agar nashsha-e-sharab aaya
salam jhuk ke karunga jo phir hijab aaya
kisi ke mahram-e-ab-e-rawan ki yaad aai
habab ke jo barabar kabhi habab aaya
shab-e-firaq mein mujh ko sulane aaya tha
jagaya main ne jo afsana-go ko KHwab aaya
adam mein hasti se ja kar yahi kahunga main
hazar hasrat-e-zinda ko gaD dab aaya
chakor husn-e-mah-e-chaar-dah ko bhul gaya
murad par jo tera aalam-e-shabab aaya
mohabbat-e-mai-o-mashuq tark kar 'atish'
safed baal hue mausam-e-KHizab aaya
Haidar Ali Aatish 
(1011) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544