Kucha-e-dilbar Mein Main Bulbul Chaman Mein Mast Hai
kucha-e-dilbar mein main bulbul chaman mein mast hai
har koi yan apne apne pairahan mein mast hai
nashsha-e-daulat se munim pairahan mein mast hai
mard-e-muflis haalat-e-ranj-o-mehan mein mast hai
daur-e-gardun hai KHudawanda ki ye daur-e-sharab
dekhta hun jis ko main us anjuman mein mast hai
aaj tak dekha nahin in aankhon ne ru-e-KHumar
kaun mujh sa gumbad-e-charKH-e-kuhan mein mast hai
gardish-e-chashm-e-ghazalan gardish-e-saghar hai yan
KHush rahen ahl-e-watan diwana-pan mein mast hai
hai jo hairan-e-safae-ruKH halab mein aaina
bu-e-zulf-e-yar se aahu KHutan mein mast hai
ghafil o hoshyar hain us chashm-e-mai-gun ke KHarab
zinda zer-e-pairahan murda kafan mein mast hai
ek saghar do jahan ke gham ko karna hai ghalat
ai KHusha-tale jo shaiKH-o-barhaman mein mast hai
wahshat-e-majnun-o-'atish' mein hai bas itna hi farq
koi ban mein mast hai koi watan mein mast hai
Haidar Ali Aatish 
(1268) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544