Na Sar Chhupane Ko Ghar Tha Na Aab-o-dana Tha

na sar chhupane ko ghar tha na aab-o-dana tha

zamane bhar ki nigahon ka main nishana tha

bhula na paya use jis ko bhul jaana tha

wafaon se mera rishta bahut purana tha

jo aks-e-ghair ki tabish mein DhunDta tha jila

us aaine ko bikharna tha TuT jaana tha

dariche mazi ke khulne lage to yaad aaya

yahin kahin kisi Dali pe aashiyana tha

sile mein kya mujhe milta jo aur ruk jata

tere KHutut ko ek roz to jalana tha

jahan pe tair-e-fikr-e-suKHan ke par silte

wahin pe aql-o-KHirad ka naya Thikana tha

lahu ka rang chaTanon ke aabshaaron mein

unhen nasheb mein dariya-e-KHun bahana tha

qaba-e-surKH siyah baadalon ne oDhi thi

kisi ke jurm se parda unhen uThana tha

wo ek halke tabassum ki kaT sah na saka

sitam ka war bhi kis darja buzdilana tha

tamam shorishen saffakiyan uruj pe thin

bil-aKHir un ko adalat se chhuT jaana tha

dukan lagae hun TuTe hue khilaune ki

ki bhulta nahin bachpan bhi kya zamana tha

(880) Peoples Rate This

Your Thoughts and Comments

Na Sar Chhupane Ko Ghar Tha Na Aab-o-dana Tha In English By Famous Poet Haidar Ali Jafri. Na Sar Chhupane Ko Ghar Tha Na Aab-o-dana Tha is written by Haidar Ali Jafri. Read famous Poem Na Sar Chhupane Ko Ghar Tha Na Aab-o-dana Tha for youth and Student by Haidar Ali Jafri. Free Download Na Sar Chhupane Ko Ghar Tha Na Aab-o-dana Tha in PDF.