KHushbuon Ki Dasht Se Hamsaegi TaDpaegi
KHushbuon ki dasht se hamsaegi taDpaegi
jis ko bhi hasil hui ye aagahi taDpaegi
raushni ko gung hote jis ne dekha ho kabhi
kis hawale se use tira-shabi taDpaegi
kaDhta tha main hi sang-e-saKHt par resham se phul
kya KHabar thi ye nazar shaistagi taDpaegi
KHwab the payab is ka dukh nahin kab thi KHabar
mujh ko tabiron ki ek be-qamati taDpaegi
main na kahta tha ki shoalon se na karna dosti
main na kahta tha ki ye dariya-dili taDpaegi
zawiya-dar-zawiya manzar badalte jaenge
aankh sari aankh bhar ye zindagi taDpaegi
naghme chup hain aur rut bhi kah rahi hai chup raho
kis ko ab dil ki ye na-asudgi taDpaegi
aur ek din dasht baadal se churaenge nazar
aur mujh ko is ki ye be-KHangi taDpaegi
kuchh na kuchh 'manzur' dil se rabta rah jaega
us ko mujh se dosti ya dushmani taDpaegi
Hakeem Manzoor 
(972) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544