Zaban Ke Sath Yahan Zaiqa Bhi Rakkha Hai
zaban ke sath yahan zaiqa bhi rakkha hai
tumhaara zikr tumhaara pata bhi rakkha hai
saja ke dhup kaDi aaj ghar se nikle hain
kisi ke sae ko zer-e-qaba bhi rakkha hai
dhamal ke liye kya kam zamin paDti hai
jo aasman ko sar par uTha bhi rakkha hai
kisi tarah se bhi raunaq baDhe mere ghar ki
bujha hua hi sahi ek diya bhi rakkha hai
mera shiar KHayanat nahin amanat hai
mila hai zaKHm jo us ko hara bhi rakkha hai
sada-e-dil-zadgan aae is taraf shayad
daricha ek makan ka khula bhi rakkha hai
Hamdam Kashmiri 
(781) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544