Chura Ke Mere Taq Se Kitab Koi Le Gaya

chura ke mere taq se kitab koi le gaya

meri tamam umr ka hisab koi le gaya

ye waqia hai jab luTi mere chaman ki aabru

larazti shaKH rah gai gulab koi le gaya

wahi to ek zariya-e-najat mere pas tha

magar mere zamir ka sawab koi le gaya

sawal ban ke ru-ba-ru khaDi hui thi zindagi

mera lahu nichoD kar jawab koi le gaya

mere badan mein chubh rahi thin suiyan si raat bhar

sahar hui to lutf-e-iztirab koi le gaya

chhupa liya hai main ne sara dard apni ruh mein

tasalliyon ka zahiri naqab koi le gaya

(774) Peoples Rate This

Your Thoughts and Comments

Chura Ke Mere Taq Se Kitab Koi Le Gaya In English By Famous Poet Hameed Almas. Chura Ke Mere Taq Se Kitab Koi Le Gaya is written by Hameed Almas. Read famous Poem Chura Ke Mere Taq Se Kitab Koi Le Gaya for youth and Student by Hameed Almas. Free Download Chura Ke Mere Taq Se Kitab Koi Le Gaya in PDF.