Ishq Se Ijtinab Kar Lena

ishq se ijtinab kar lena

apni miTTi KHarab kar lena

hum ne duniya ko KHub jhela hai

hum se kuchh iktisab kar lena

bebasi se najat mil jae

phir sawal-o-jawab kar lena

chhoD izzat-maab logon ko

KHud ko aali-janab kar lena

kal tujhe kuchh gunah karne hain

aaj kar-e-sawab kar lena

is ko bhar lena apni aankhon mein

ek haqiqat ko KHwab kar lena

kya kami hai hasin chehron ki

phir naya intiKHab kar lena

tum sar-e-am ek din 'hamid'

ruh ko be-naqab kar lena

hama-tan-gosh hai ye virani

yar 'hamid' KHitab kar lena

(1274) Peoples Rate This

Your Thoughts and Comments

Ishq Se Ijtinab Kar Lena In English By Famous Poet Hamid Iqbal Siddiqui. Ishq Se Ijtinab Kar Lena is written by Hamid Iqbal Siddiqui. Read famous Poem Ishq Se Ijtinab Kar Lena for youth and Student by Hamid Iqbal Siddiqui. Free Download Ishq Se Ijtinab Kar Lena in PDF.