Shahr-e-tarab Mein Aaj Ajab Hadisa Hua
shahr-e-tarab mein aaj ajab hadisa hua
hanste mein us ki aankh se aansu chhalak paDa
hairan ho ke soch raha tha ki kya kahun
ek shaKHs mujh se mera pata puchhne laga
haala nahin hai aatish-e-furqat ki aanch hai
tara na tha to chand ka pahlu sulag uTha
ab yaad bhi nahin ki shikayat thi un se kya
bas ek KHayal zehn ke goshe mein rah gaya
kitne hi tare TuT ke daman mein aa gire
jab chaudhwin ka chand ghaTaon mein ja chhupa
baad-e-KHizan chaman se shabistan tak aa gai
takiye ka surKH phul bhi murjha ke rah gaya
socha tha us se dur kahin ja basenge hum
lekin 'sarosh' hum se peshawar na chhuT saka
Hamid Sarosh 
(799) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544