Sans Lene Ke Liye Taza Hawa Bheji Hai
sans lene ke liye taza hawa bheji hai
zindagi ke liye masum dua bheji hai
main ne bheji thi gulabon ki bashaarat us ko
tohfatan us ne bhi KHushbu-e-wafa bheji hai
main to qatil tha bari ho ke bhi qatil hi raha
mujh ko insaf ne jine ki saza bheji hai
kitne gham hain jo sar-e-sham sulag uThte hain
chaara-gar tu ne ye kis dukh ki dawa bheji hai
marhale aur bhi the jaan se guzarne ke liye
karbala kis ne pas-e-karb-o-bala bheji hai
Hamid Sarosh 
(934) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544