Raat KaTi Hai Jag Kar Baba

raat kaTi hai jag kar baba

din guzara hai dar par baba

hath aaya na raushni ka sarab

dur tha chand ka nagar baba

apne markaz se dur ho kar hum

ho gae aur dar-ba-dar baba

choT kha kar sambhal na pae hum

phul phenka tha tak kar baba

hum faqiron mein mil ke baiTh kabhi

taKHt-e-taus se utar baba

raston ke azab se Dar kar

yun na har har qadam pe mar baba

thi dhanak dur aasmanon mein

aur hum the shikasta-par baba