UlTa Chakkar

ajib chakkar koi chala hai

jo shai jahan se uThana chahi

uTha na pae

jahan jo rakkha wahan wo rakkha nahin raha hai

jo likhna chaha wo likh na pae

tamam chakkar ulaT chala hai

jo KHwab ke daere se bahar tha us ne aankhon se bair rakkha

dil-o-nazar mein jise jagah di wo KHwab ban kar bikhar gaya hai

nasib mein jo nahin tha us ki talash mein zindagi laga di

jo hath mein tha wo be-KHudi mein diya hai

jo baat kahni thi us ki himmat juTa na pae

jo lab pe aaya wo harf hi ghair ho gaya hai

(845) Peoples Rate This

Your Thoughts and Comments

UlTa Chakkar In English By Famous Poet Hamida Shahin. UlTa Chakkar is written by Hamida Shahin. Read famous Poem UlTa Chakkar for youth and Student by Hamida Shahin. Free Download UlTa Chakkar in PDF.