Aae Mashriq Se Shahsawar Bahut
aae mashriq se shahsawar bahut
kis ko tha un ka intizar bahut
qafilon ki koi KHabar si nahin
dur uThta raha ghubar bahut
subh hone tak us ne jaan na di
umr bhar tha KHud-iKHtiyar bahut
phir koi saneha hua hoga
mehrban kyun hain gham-gusar bahut
kyun hai har zarra karbala-manzar
hai hamein un pe e'tibar bahut
ho gai sab ke aage ruswai
kis hunar par tha iftiKHar bahut
Hamidi Kashmiri 
(931) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544