KHud KHamoshi Ke Hisaron Mein Rahe
KHud KHamoshi ke hisaron mein rahe
raat bhar charche sitaron mein rahe
thi zamin-e-gul nazar ke samne
jada-paima reg-zaron mein rahe
ho gae hain kitne manzil-ashna
kitne rah-rau rahguzaron mein rahe
ho gain gharqab kitni bastiyan
kitne tufan joebaron mein rahe
zulmat-e-shab pas aa sakti nahin
muddaton hum mah-paron mein rahe
hai KHizan ki dhul ki tan par tahen
hum rahe to nau-bahaaron mein rahe
Hamidi Kashmiri 
(794) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544