Dekhna Ye Ishq Mein Husn-e-pazirai Ke Rang
dekhna ye ishq mein husn-e-pazirai ke rang
anjuman-dar-anjuman hon meri tanhai ke rang
dil ke har goshe mein jal uTThe hain zaKHmon ke charagh
allah allah ek masiha ki masihai ke rang
is ada se aa gae hain wo nazar ke ru-ba-ru
aur gahre ho gae hain is dil ki binai ke rang
ho sadaqat ka jo dawa dekh le ji aaina
aaine hi mein nazar aate hain sachchai ke rang
har dar-o-diwar par likkha hua hai mera nam
wajh-e-shohrat ban gae hain kitne ruswai ke rang
har nazar apni jagah KHud ek jalwa ban gai
chha gae aise tumhaari jalwa-arai ke rang
der tak 'aKHgar' dar-e-jaan par charaghon ki tarah
raushni dete rahe meri jabin-sai ke rang
Haneef Akhgar 
(830) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544