Dil Giran-bari-e-wahshat Mein Jidhar Jata Hai
dil giran-bari-e-wahshat mein jidhar jata hai
shab-e-marhum ke KHwabon sa bikhar jata hai
koi paiman-e-wafa sabr se bhar jata hai
chaar-o-na-chaar ki dahshat mein guzar jata hai
dhani aawazon ke sur-tal mein bahte bahte
raqs-e-sahrai ke wo ban mein utar jata hai
ret par jalte hue dekh sarabon ke charagh
apne bikhraw mein wo aur sanwar jata hai
Hanif Tarin 
(672) Peoples Rate This