Gham-zada Zindagi Rahi Na Rahi

gham-zada zindagi rahi na rahi

KHush rahe hum KHushi rahi na rahi

zindagi ki hasin rahon mein

chhanw ThanDi kabhi rahi na rahi

chand-taron mein zindagi kaTi

aap ko yaad bhi rahi na rahi

rah-e-masti mein wo charagh mile

jal gae raushni rahi na rahi

jab koi rah par laga hi nahin

rahbari rahbari rahi na rahi

rah gai baat aap ki chaliye

meri waqat rahi rahi na rahi

de ke ummid puchhte hain mujhe

dil mein hasrat koi rahi na rahi

umr guzri gunah-gari mein

fikr anjam ki rahi na rahi

apne markaz pe aa gaya hun 'hari'

gham nahin zindagi rahi na rahi