Ek Be-nam Sa Dar Sine Mein Aa BaiTha Hai

ek be-nam sa Dar sine mein aa baiTha hai

jaise ek bheDiya har dar se laga baiTha hai

ek dhaDka sa laga rahta hai luT jaane ka

goya pahre pe koi KHwaja-sara baiTha hai

hurmaten sanat-e-ahan ki tarah bikti hain

jis ko dekho wo KHaridar bana baiTha hai

aur kya rab se wo mangenge fazilat jin ke

zehn kore hain magar sar pe huma baiTha hai

ab 'hasan' milta hai bazar-e-ziyan mein aksar

aisa lagta hai koi KHwab ganwa baiTha hai

(523) Peoples Rate This

Your Thoughts and Comments

Ek Be-nam Sa Dar Sine Mein Aa BaiTha Hai In English By Famous Poet Hasan Abbas Raza. Ek Be-nam Sa Dar Sine Mein Aa BaiTha Hai is written by Hasan Abbas Raza. Read famous Poem Ek Be-nam Sa Dar Sine Mein Aa BaiTha Hai for youth and Student by Hasan Abbas Raza. Free Download Ek Be-nam Sa Dar Sine Mein Aa BaiTha Hai in PDF.