Ek Be-nam Sa Dar Sine Mein Aa BaiTha Hai
ek be-nam sa Dar sine mein aa baiTha hai
jaise ek bheDiya har dar se laga baiTha hai
ek dhaDka sa laga rahta hai luT jaane ka
goya pahre pe koi KHwaja-sara baiTha hai
hurmaten sanat-e-ahan ki tarah bikti hain
jis ko dekho wo KHaridar bana baiTha hai
aur kya rab se wo mangenge fazilat jin ke
zehn kore hain magar sar pe huma baiTha hai
ab 'hasan' milta hai bazar-e-ziyan mein aksar
aisa lagta hai koi KHwab ganwa baiTha hai
Hasan Abbas Raza 
(893) Peoples Rate This