Ghar Se Mera Rishta Bhi Kitna Raha

ghar se mera rishta bhi kitna raha

umr bhar ek kone mein baiTha raha

apne honTon par zaban ko pher kar

aansuon ke zaiqe chakhta raha

wo bhi mujh ko dekh kar jita tha aur

main bhi us ki aankh mein zinda raha

nisbaten thin ret se kuchh is qadar

baadalon ke shahr mein pyasa raha

shahr mein sailab ka tha shor kal

aur main tah-KHane mein soya raha

kha rahi thi aag jab kamra 'hasan'

main bas ek taswir se chimTa raha

(794) Peoples Rate This

Your Thoughts and Comments

Ghar Se Mera Rishta Bhi Kitna Raha In English By Famous Poet Hasan Abbasi. Ghar Se Mera Rishta Bhi Kitna Raha is written by Hasan Abbasi. Read famous Poem Ghar Se Mera Rishta Bhi Kitna Raha for youth and Student by Hasan Abbasi. Free Download Ghar Se Mera Rishta Bhi Kitna Raha in PDF.