Raaz-e-dil Late Hain Zaban Tak Hum
raaz-e-dil late hain zaban tak hum
dukh bharen ai KHuda kahan tak hum
aur wo hum se khinchte jate hain
minnaten karte hain jahan tak hum
na uDa baghban ki gulshan-e-dil
aur hain aamad-e-KHizan tak hum
aap ke lutf ne to qahr kiya
KHub the jaur-e-asman tak hum
aasman tak gaya hai sail-e-sarishk
dil ko roya karen kahan tak hum
un ka aana bhi ab nahin manzur
jaan se tang hain yahan tak hum
tera paigham bhi suna denge
ai 'hasan' pahunchen to wahan tak hum
Hasan Barelvi 
(889) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544