Mil Gaya Dil Nikal Gaya Matlab
mil gaya dil nikal gaya matlab
aap ko ab kisi se kiya matlab
husn ka roab zabt ki garmi
dil mein ghuT ghuT ke rah gaya matlab
na sahi ishq dukh sahi naseh
tujh ko kya kaam tujh ko kya matlab
muzhda ai dil ki nim-jaan hun main
ab to pura hua tera matlab
apne matlab ke aashna ho tum
sach hai tum ko kisi se kya matlab
aatish-e-shauq aur bhaDki hai
munh chhupane ka khul gaya matlab
kuchh hai matlab to dil se matlab hai
matlab-e-dil se un ko kya matlab
un ki baaten hain kitni pahlu-dar
sab samajh len juda juda matlab
us ko ghar se nikal kar KHush ho
kya 'hasan' tha raqib ka matlab
Hasan Barelvi 
(886) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544