Sab Ki BigDi Ko Banane Nikle
sab ki bigDi ko banane nikle
yar hum tum bhi diwane nikle
dhul hai ret hai sahra hai yahan
hum kahan pyas bujhane nikle
itni raunaq hai ki ji Dubta hai
shahr mein KHak uDane nikle
in andheron mein kiran jab DhunDi
sab ke hansne ke bahane nikle
koi to chiz nai mil jati
dard bhi sadiyon purane nikle
chand ko raat mein maut aai thi
lash hum din ko uThane nikle
umr barbaad yunhi kar di 'hasan'
KHwab bhi kitne suhane nikle
Hasan Kamal 
(1628) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544