Sar UTha Kar Na Kabhi Dekha Kahan BaiThe The
sar uTha kar na kabhi dekha kahan baiThe the
girti diwar ka saya tha jahan baiThe the
sab the masruf andheron ki KHaridari mein
hum sajae hue shamon ki dukan baiThe the
yahi shohrat ka sabab honge ye malum na tha
hum chhupae hue zaKHmon ke nishan baiThe the
log to bujhte charaghon ke dhuen se KHush the
hum hi be-kar jalae hue jaan baiThe the
mai-kada aur bhi tanhai ka saman nikla
hum ki tanhai se tang aa ke yahan baiThe the
Hasan Kamal 
(1393) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544