Naqsh-e-kuhan Sab Dil Ke MiTao
naqsh-e-kuhan sab dil ke miTao
phir koi taswir banao
basti basti KHun-KHaraba
aql ke maro hosh mein aao
patthar ban kar jina kya
phulon ki Tahni ban jao
masnui kirdar ke logo
sachchai ke rup dikhao
raat andheri sar par tufan
soch samajh kar qadam baDhao
apnon ko tum chhoD ke 'rahbar'
kahan chale ye raaz batao
Haseeb Rehbar 
(910) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544