Kise Hum Apna Kahen Koi Gham-gusar Nahin
kise hum apna kahen koi gham-gusar nahin
hamein jab apne parae pe e'tibar nahin
hum apne daur ki sachchaiyon ko likhte hain
qalam hamara kisi ka to mustaar nahin
jo be-wafa the wahi log pa gae eazaz
meri wafaon ka ab tak kahin shumar nahin
hamare sar pe baras jaenge kahan patthar
tunak-mizaji-e-mausam ka e'tibar nahin
duaen de ke jo bachchon ko shahr bhejenge
ab aise ganw mein koi buzurgwar nahin
hazar muflis-o-nadar main sahi 'rahbar'
KHuda ka shukr kisi ka bhi qarz-dar nahin
Haseeb Rehbar 
(761) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544