Teri Madad Ka Yahan Tak Hisab Dena PaDa
teri madad ka yahan tak hisab dena paDa
charagh le ke mujhe aaftab dena paDa
har ek hath mein do do sifarshi KHat the
har ek shaKHs ko koi KHitab dena paDa
talluqat mein kuchh to darar paDni thi
kai sawal the jin ka jawab dena paDa
ab is saza se baDi aur kya saza hogi
nae sire se purana hisab dena paDa
is intizam se kya koi mutmain hota
kisi ka hissa kisi ko janab dena paDa
Haseeb Soz 
(2428) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544