Aae Hain Hum Jahan Mein Gham Le Kar
aae hain hum jahan mein gham le kar
dil-e-pur-KHun o chashm-e-nam le kar
saghar-e-mai kahan hai ai gardun
kya karen tera jam-e-jam le kar
wada aqsam kar chuka tu KHilaf
ab ke chhoDunga main qasam le kar
us ki mahfil se kab uThega raqib
ye saadat-bhare qadam le kar
tar-o-KHushk-e-jahan pe qane rah
dast-e-dauran se besh-o-kam le kar
sar se mara karen paDe apne
go shahan tabl aur alam le kar
rah mein teri zoaf se 'hasrat'
chale har har qadam mein dam le kar
Hasrat Azimabadi 
(744) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544