Gar Ishq Se Waqif Mare Mahbub Na Hota

gar ishq se waqif mare mahbub na hota

hota na main mahjur wo mahjub na hota

aafat-talab apne jo dil o dida na hote

talib main tera tu mera matlub na hota

meri si tarah ishq se hota kabhi betab

eajaz-numa sabr ka ayyub na hota

name ka mere ye tha jawab ai mah-e-nau-KHat

ye qaeda-e-qasid-o-maktub na hota

targhib-e-wafa karna tujhe mujh pe rawa tha

gar shewa jafa ka tera marghub na hota

'hasrat' na agar us ka qad o zulf banate

duniya mein kahin fitna-o-ashob na hota

(489) Peoples Rate This

Your Thoughts and Comments

Gar Ishq Se Waqif Mare Mahbub Na Hota In English By Famous Poet Hasrat Azimabadi. Gar Ishq Se Waqif Mare Mahbub Na Hota is written by Hasrat Azimabadi. Read famous Poem Gar Ishq Se Waqif Mare Mahbub Na Hota for youth and Student by Hasrat Azimabadi. Free Download Gar Ishq Se Waqif Mare Mahbub Na Hota in PDF.