Hum Ishq Siwa Kam Hain Kisi Nam Se Waqif
hum ishq siwa kam hain kisi nam se waqif
na kufr ke mahram hain na islam se waqif
talqin kare arz-e-tamanna hamein us se
mahram nahin hai us but-e-KHud-kaam se waqif
wo daur-e-visal aah kidhar hai ki hum aur wo
duniya mein na the nama-o-paigham se waqif
kya puchho ho hum rawish-e-bagh-o-chaman ko
hum to rahe kunj-e-qafas-o-dam se waqif
shirini-e-bosa se mazaq us ka ho phir talKH
aashiq jo hua lazzat-e-dushnam se waqif
bad-nam na kar ishq ko ja kaam kar apna
hai ahl-e-hawas tu nahin is kaam se waqif
aaghaz-e-mohabbat ke maze ne kiya ghafil
ab tak na the hum us ke bad-anjam se waqif
Hasrat Azimabadi 
(771) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544