Husn Ko Uske KHat Ka Dagh Laga
husn ko us ke KHat ka dagh laga
par hamein to bahaar o bagh laga
ghar se jun mah-e-be-hijab nikal
ab to ai shama-ru charagh laga
baadshahon ki bazm-e-ishrat se
apna mat gosha-e-faragh laga
aatishin ashk ek dam jo thama
KHana-e-dida be-charagh laga
le KHabar ab tu saqi-e-sar-e-dast
KHushk hone mera dimagh laga
kis ko ye KHun-e-dil mili daulat
us ke honTon se ja ayagh laga
dil-e-gum-gashta ka mere 'hasrat'
lag sake to kahin suragh laga
Hasrat Azimabadi 
(691) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544