Sina To DhunD Liya Muttasil Apna Humne
sina to DhunD liya muttasil apna hum ne
nahin malum diya kis ko dil apna hum ne
ahd kya kar ke tere dar se uThe the qismat
phir dikhaya tujhe ru-e-KHajil apna hum ne
meri aaludgiyon se na kar ikrah ai shaiKH
kuchh banaya to nahin aab-o-gil apna hum ne
saKHt kafir ka dil afsos na sharmaya kabhi
puja jun but to bahut sang-dil apna hum ne
pani pahuncha sake jab tak meri chashm-e-namnak
jal bujha paya dil-e-mushtail apna hum ne
baad sau ranjish-e-beja ke na paya ba-ghalat
na pashiman tujhe munfail apna hum ne
dar gharibi na tha kuchh aur mayassar 'hasrat'
ishq ki nazr kiya din o dil apna hum ne
Hasrat Azimabadi 
(853) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544