Kya Tumko Ilaj-e-dil-e-shaida Nahin Aata
kya tum ko ilaj-e-dil-e-shaida nahin aata
aata hai par is tarah ki goya nahin aata
ho jati thi taskin so ab fart-e-alam se
is baat ko rote hain ki rona nahin aata
tum ho ki tumhein wada-wafai ki nahin KHu
main hun ki mujhe tum se taqaza nahin aata
hai pas ye kis ki nigah-e-mahw-e-haya ka
lab tak jo mere harf-e-tamanna nahin aata
un ki nigah-e-mast ke jalwe hain nazar mein
bhule se bhi zikr-e-mai-o-mina nahin aata
shoKHi se wo mana-e-sitam puchh rahe hain
ab lafz-e-jafa bhi unhen goya nahin aata
main dard ki lazzat se raza-mand hun 'hasrat'
mujh ko sitam-e-yar ka shikwa nahin aata
Hasrat Mohani 
(866) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544