Yun To Aashiq Tera Zamana Hua
yun to aashiq tera zamana hua
mujh sa jaan-baz dusra na hua
KHud-ba-KHud bu-e-yar phail gai
koi minnat-e-kash-e-saba na hua
main giraftar-e-ulfat-e-sayyaad
dam se chhuT ke bhi riha na hua
KHabar us be-KHabar ki la deti
tujh se itna bhi ai saba na hua
un se arz-e-karam to kya karte
hum se KHud shikwa-e-jafa na hua
ho ke be-KHud kalam-e-hasrat se
aaj 'ghaalib' ghazal sara na hua
Hasrat Mohani 
(1055) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544