Yaad Kar Wo Din Ki Tera Koi Saudai Na Tha
yaad kar wo din ki tera koi saudai na tha
bawajud-e-husn tu aagah-e-ranai na tha
ishq-e-roz-afzun pe apne mujh ko hairani na thi
jalwa-e-rangin pe tujh ko naz-e-yaktai na tha
did ke qabil thi mere ishq ki bhi sadgi
jabki tera husn sargarm-e-KHud-arai na tha
kya hue wo din ki mahw-e-arzu the husn o ishq
rabt tha donon mein go rabt-e-shanasai na tha
tu ne 'hasrat' ki ayan tahzib-e-rasm-e-ashiqi
is se pahle e'tibar-e-shan-e-ruswai na tha
Hasrat Mohani 
(1335) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544