Buton Ka Zikr Kar Waiz KHuda Ko Kis Ne Dekha Hai
buton ka zikr kar waiz KHuda ko kis ne dekha hai
sharar-e-sang musa ke liye barq-e-tajalla hai
ye hindustan hai yan par buton ka rose mela hai
KHuda jaane wo but ai 'mehr' dewi hai ki durga hai
tasawwur us sanam ka hai hamein kabe se kya matlab
charagh apna hai dagh-e-dil hai jo mandir mein jalta hai
juda hai nemat-e-duniya se lazzat bosa-e-lab ki
wo jogi ho gaya jis ne ye mohan bhog chakkha hai
bata jaez hai kis mazhab mein KHun-e-be-gunah zalim
tu hindu hai musalman hai yahudi hai ki tarsa hai
kiya kafir ne kafir 'mehr' se mard-e-musalman ko
janeu rishta-e-tasbih dagh-e-sajda Tika hai
Hatim Ali Mehr 
(881) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544