Buton Ka Samna Hai Aur Main Hun
buton ka samna hai aur main hun
KHuda ka aasra hai aur main hun
yahan aa kar karen kya yas-o-umid
dil-e-be-muddaa hai aur main hun
mila jo KHak mein qadmon se chhuT ke
wo tera naqsh-e-pa hai aur main hun
KHuda jaane buto hota hai kya haal
yahi gar dil mera hai aur main hun
zara aane to de roz-e-qayamat
sanam tu hai KHuda hai aur main hun
sitam hai zulm hai un ki taraf se
mohabbat hai wafa hai aur main hun
pasand ai 'mehr' hai ye qaul-e-ustad
sanam kucha tera hai aur main hun
Hatim Ali Mehr 
(783) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544