Dariya Tufan Bah Raha Hai
dariya tufan bah raha hai
aankhon ka ajib majra hai
zahid ko ghurur zohd ka hai
rindon ko KHuda ka aasra hai
zikr un ke dahan ka ja-ba-ja hai
hai kuchh bhi nahin ye baat kya hai
diwar ka un ki saya Thahra
ek ye bhi saadat-e-huma hai
ham-chashmi aur un ki ankhDiyon se
nargis tujhe kuchh bhi sujhta hai
panw ke hamare go kharosi
ek ek kanTa khaTak gaya hai
ulfat hai khuli hui buton se
allah se 'mehr' kya chhupa hai
Hatim Ali Mehr 
(831) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544