Khaal-e-ruKHsar Ko Dagh-e-mah-e-kaamil Bandha

KHal-e-ruKHsar ko dagh-e-mah-e-kaamil bandha

chashm-e-maKHmur ko kaunain ka hasil bandha

hum ne is shahr-e-sitamgar ke har ek zarre ko

zauq-e-sajda ki qasam sajda-gah-e-dil bandha

hum ne har wadi-e-pur-KHar ko zinat baKHshi

sar pe har KHar ke ek turra-e-manzil bandha

koi dekhe to sahi hausla-mandi apni

hum ne tufan ki har ek mauj ko sahil bandha

jazba-e-dil ko ba-andaz-e-digar main ne 'hayat'

kabhi kashti kabhi tufan kabhi sahil bandha

(507) Peoples Rate This

Your Thoughts and Comments

Khaal-e-ruKHsar Ko Dagh-e-mah-e-kaamil Bandha In English By Famous Poet Hayat Madrasi. Khaal-e-ruKHsar Ko Dagh-e-mah-e-kaamil Bandha is written by Hayat Madrasi. Read famous Poem Khaal-e-ruKHsar Ko Dagh-e-mah-e-kaamil Bandha for youth and Student by Hayat Madrasi. Free Download Khaal-e-ruKHsar Ko Dagh-e-mah-e-kaamil Bandha in PDF.