Mujhe Teri Judai Ka Ye Sadma Mar Dalega
mujhe teri judai ka ye sadma mar Dalega
zamane bhar mein ruswai ka charcha mar Dalega
tumhaare nam se jaanan mera ye dil dhaDakta hai
ab aao hath rakh do warna dhaDka mar Dalega
koi ghamgin mil jae to hansna bhul jata hun
kisi din KHair-KHwahi ka ye jazba mar Dalega
charaghon mein lahu Dalo hai laDni jang zulmat se
wagarna ab ujalon ko andhera mar Dalega
zamin ke surKH manzar raat ko sone nahin dete
kisi din mujh ko ye ehsas mera mar Dalega
zamin par eDiyan ragDo ki ab chashma koi phuTe
bahut zalim hai dariya hum ko pyasa mar Dalega
samundar par karna ishq ka aasan nahin 'shamsi'
bhanwar se bach bhi jaen to kinara mar Dalega
Hidayatullah Khan Shamsi 
(1668) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544