Hai Jab Tak Dasht-paimai Salamat
hai jab tak dasht-paimai salamat
rahegi aabla-pai salamat
rahe jab tak ye binai salamat
hamari KHama-farsai salamat
bahut sanwarenge sang o sar ke rishte
junun ki kar-farmai salamat
bahut hairan hain aaina-KHane
tere qamat ki zebai salamat
sabhi hathon mein le kar sang aae
KHirad ki jalwa-arai salamat
bahut dekhe bahaar-amez manzar
teri yaadon ki ranai salamat
hijab us ne kiya aasuda-e-gham
ye andaz-e-masihai salamat
Hijab Abbasi 
(847) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544