Pas-e-namus-e-tamanna Har Ek Aazar Mein Tha
pas-e-namus-e-tamanna har ek aazar mein tha
nashsha-e-nighat-e-gul bhi KHalish-e-KHar mein tha
kis se kahiye ki zamane ko garan guzra hai
wo fasana ki meri hasrat-e-guftar mein tha
dil ki aata hi nahin tark-e-tamanna ki taraf
koi iqrar ka pahlu tere inkar mein tha
kuchh tujhe yaad hai ai chashm-e-zuleKHa-e-jahan
hum sa yusuf bhi koi misr ke bazar mein tha
zindagi ja na saki sham-o-sahar se aage
sara aalam isi aaina-e-takrar mein tha
umr bhar chashm-e-tamasha ko rahi jis ki talash
'hosh' wo husn-e-gurezan mere ashaar mein tha
Hosh Tirmizi 
(959) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544