Kisi Bhi Raegani Se BaDa Hai
kisi bhi raegani se baDa hai
ye dukh to zindagani se baDa hai
na hum se ishq ka mafhum puchho
ye lafz apne maani se baDa hai
hamari aankh ka ye ek aansu
tumhaari rajdhani se baDa hai
guzar jaegi sari raat is mein
mera qissa kahani se baDa hai
tera KHamosh sa izhaar 'rahat'
kisi ki lan-tarani se baDa hai
Humaira Rahat 
(1303) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544