Waqt Aisa Koi Tujh Par Aae
waqt aisa koi tujh par aae
KHushk aankhon mein samundar aae
mere aangan mein nahin thi beri
phir bhi har samt se patthar aae
rasta dekh na gori us ka
kab koi shahr mein ja kar aae
zikr sunti hun ujale ka bahut
us se kahna ki mere ghar aae
nam le jab bhi wafa ka koi
jaane kyun aankh meri bhar aae
Humaira Rahat 
(977) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544